हुलाकी न्यूज, काठमाडौं १९ फागुन । मधेश मुक्तिका लागि मधेशका जिल्ला–जिल्लामा युवा दस्ता आवश्यक रहेको संघीय समाजवादी फोरम नेपालका युवा नेता अशोक यादवले बताएका छन् ।
हुलाकी न्यूजको गोलमेचमा सहभागी नेता यादवले आन्दोलन अगाडि बढाउन युवा दस्ता आवश्यक रहेको बताए । आन्दोलन जहिले पनि युवाले गर्ने भएकोले आन्दोलन शसक्त बनाउन दस्ता आवश्यक रहेको बताए ।
नेता यादवले मधेशमा मिडियाको कमीले पनि आन्दोलन शिथिल भएको बताए । उनले मधेशीको पक्षमा बोल्ने वा यर्थात बोल्ने मिडिया नभएको बताए । यादवले मधेशमा मिडिया निर्माणमा ध्यान दिनु पर्ने बताउँदै लगानीकर्ताहरुलाई आह्वान गरे ।
यादवले आउने दिनमा सर्वपक्षीय संयन्त्र निर्माण गरे अगाडि बढ्न मधेशवादी दललाई सुझाव पनि दिए ।
