हुलाकी न्यूज, काठमाडौं १८ फागुन । मधेशवादी दलका वा थरु नेताहरुले आन्दोलन निष्कर्षमा पु¥याउन नसक्ने भन्दै मधेशी–थारु युवाहरु मिलेर आन्दोलन गर्न आवयक रहेको थारु अगुवा नेता सुरेन्द्र चौधरीले बताएका छन् ।
हुलाकी न्यूजको गोलमेचमा सहभागी नेता चौधरीले मधेशी युवाहरुले नेतृत्व लिए थारु युवाहरु आन्दोलन गर्न तयार रहेको बताए ।
चौधरीले पूर्व झापादेखि पश्चिम कञ्चनपुरसम्म मधेशी–थारु युवाहरुको दस्ता बनाएर आन्दोलन गर्न सुझाव दिएका छन् ।
चौधरीले थरुहटका केही जिल्लाहरुमा थारु युवा दस्ता निर्माण भएको बताउँदै मधेशमा पनि मधेशी युवा दस्ता निर्माण गर्न आवश्यक रहेको बताए ।
उनले संयुक्त लोकतान्त्रिक मधेशी मोर्चा आन्दोलन गर्ने मुडमा नरहेको बताउँदै मोर्चाको पछिल्लो गतिविधिले आन्दोलन असफल भएको बताए ।
उनले योगेन्द्र चौधरी वा राजकुमार लेखीले थरुहट आन्दोलन हुन नसक्ने भन्दै थरुहट क्षेत्रमा युवा नेतृत्व विकास भइरहेको बताए ।
चौधरीले भने,‘मधेशी थारु युवाले संघर्ष गरेर मधेशलाई देशमा राख्न सकेन भने डा.सीके राउतको जुनुनबाट देशलाई कसैले बचाउन सक्दैन । मण्डेला, गान्धीमा भएको जुनुन डा.राउतमा छ, हामी असफल भयो भने राउत जी सफल हुनेछ ।’
