हुलाकी न्यूज, सप्तरी १५ भदौ । राप्रपा नेपालका अध्यक्ष कमल थापाले नेपाली कांग्रेस र नेकपा माओवादी केन्द्रले संशोधनको नाममा मधेशी दलहरुलाई बेबकुफ बनाएको बताएका छन् ।
राजविराजमा बुधबार संचारकर्मीहरुसँग कुराकानी गर्दै उनले मधेशवादी दलको माग अनुरुप ल्याउने भनिएको संविधान संशोधनको प्रस्ताव देखावटी मात्र रहेको आरोप लगाएका छन् ।
उनले संविधान संशोधनको कुरा अरु केही नभई मधेशवादी दललाई बेबकुफ बनाउने काम मात्र भएको दाबी गरेका छन् ।
प्रधानमन्त्री पुष्पकमल दाहाल ‘प्रचण्ड’ले अपरिपक्क र अदूरदर्शिता देखाएको आरोपसमेत थापाले लगाए ।
