हुलाकी न्यूज, सिरहा ५ भदौ । बोक्सीको आरोपमा सिरहामा एक महिलामाथि निर्घात कुटपिट भएको छ ।
सिरहाको लक्ष्मीपुर–१ की ३० वर्षीया रामदुलारी यादवलाई स्थानीयहरुले मरणासन्न हुनेगरी कुटपिट गरेका छन् ।
कुटपिटबाट गम्भीर घाइते भएकी रामदुलारीको विराटनगरस्थित न्यूरो अस्पतालमा उपचार भइरहेको छ ।
बोक्सीको आरोपमा स्थानीय बेचन महतो, रमविन्द्र महतो, सुलेन महतो, सुर्जा महतो, किसुनदेव महतोले कुटपिट गरेको यादवका ससुरा गढ्वाले जानकारी दिए ।
आमालाई कुटपिट गरेको बेला रोक्न गएको नाती ११ वर्षका भवनाथलाई पनि कुटपिट गरेको छ ।
पीडकहरु फरार रहेकाले उनीहरुको खोजी भइरहेको प्रहरीले बताएको छ ।
