हुलाकी न्यूज, काठमाडौं १ भदौ । मधेशी समुदायका पत्रकारिता क्षेत्रमा धरोहर इन्द्रकान्त मिश्रको ९६ वर्षको उमेरमा सोमबार राती निधन भएको छ ।
उनको अन्त्येष्टि मंगलबार बिहान आर्यघाटमा गरिएको थियो ।
उनले आफ्नो जीवनकालमा पत्रकारहरुको हकहितका लागि आवाज उठाउँदै आएका थिए ।
मिश्र वि.सं. २०१५ सालदेखि २०५० सालसम्म ‘दैनिक नेपाल’ संस्थापक सम्पादकको रुपमा कार्यरत रहेका थिए ।
तत्कालीन नेपाल पत्रकार संघको महामन्त्री, कोषाध्यक्ष र प्रेस काउन्सिलको दुई कार्यकाल सदस्य पदमा आसिन भई नेपाली पत्रकारिताको व्यावसायिक विकासमा नेतृत्वदायी भूमिका निर्वाह गरेका थिए ।
मिश्र आफ्नो जीवन अवधिमा दुई पटक जेल यातना र तीन पटकसम्म पत्रिकामाथि प्रतिबन्ध खेपेका थिए भने वि.सं.२०५० देखि विघटन नहुन्जेलसम्म राजपरिषद सदस्य पनि रहेका थिए ।
