Prachanda-with-gachhadar
हुलाकी न्यूज, काठमाडौं ३१ असार ।
माओवादी केन्द्रका अध्यक्ष प्रचण्ड र मधेशी जनअधिकार फोरम नेपाल(लोकतान्त्रिक)का अध्यक्ष एवं उपप्रधानमन्त्री विजय गच्छादरबीच छलफल नयाँ सरकार गठनका विषयमा छलफल भएको छ ।

शुक्रबार विहान प्रचण्ड निवासमा नयाँ सरकार निर्माणका विषयमा दुई अध्यक्षबीच छलफल भएको प्रचण्डका निजि सचिवालयले जनाएको छ । प्रचण्डले गच्छदारलाई अविस्वास प्रस्तावमा सहमति जनाउन आग्रह गरेकोमा गच्छदारले पार्टीभित्र छलफल गरेर जवाफ दिने बताए ।

यता गच्छदार निकट श्रोतका अनुसार छलफलमा गच्छदारले राष्ट्रिय सहमतिको सरकार निर्माणका लागि प्रचण्डलाई आग्रह गरेका थिए । छलफलमा गच्छदारले प्रचण्डलाई मधेशी मोर्चासमेटेर सरकार निर्माण गर्न आग्रह गरे ।

मधेशी मोर्चाका नेताहरुसँग आफुले पनि छलफल सुरु गरेको गच्छदारले बताउँदै प्रचण्डलाई मधेशी मोर्चालाई जसरी पनि सरकारमा ल्याउन आग्रह गरे ।

यता फोरम लोकतान्त्रिकका केन्द्रीय सदस्य कपलेश्वर यादवले राष्ट्रिय सहमतिको सरकारमा जाने विषयमा पार्टीभित्र तीब्र छलफल भइरहेको हुलाकी न्यूजलाई बताएका छन् ।

यादवले प्रचण्ड नेतृत्वको सरकारमा आफ्नो पार्टी सहभागि हुने सम्भावना रहेको बताउँदै अन्य मधेशवादी दलहरुसँग पनि पार्टी अध्यक्षले छलफल चलाईरहेको बताए ।

file photo – Prachanda with gachhadar

2 COMMENTS

  1. हो यसरी हाम्रा बिजय दादा को दुरदर्शिता देश को लगि फल दयि छ! किनभने सबैभन्दा ठुलो सहमति हो ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.