हुलाकी न्यूज, जनकपुरधाम १६ असार । धनुषा रघुनाथपुर वडा नम्बर ५ का १५ वर्षीय विजय सादा(मुसहर)को उपचार अभावमा मृत्यु भएको छ ।
विगत तीन महिनादेखि विरामी परेका सादाको घरको आर्थिक अवस्था कमजोर भएका कारण उपचार गराउन सकिएको थिएन ।
गाउँलेहरुको सहयोगमा उनलाई मंगलबार जनकपुर अञ्चल अस्पतालमा भर्ना गरिएको थियो । थप उपचारका लागि बिहीबार काठमाडौं पठाउने तयारी भइरहेका बेला उनको मृत्यु भएको स्थानीय महादेव राउतले हुलाकी न्यूजलाई बताए ।
सादा केही महिना पहिलेसम्म काठमाडौंमा लेबरको काम गर्दै आएका थिए । काम गर्ने क्रममा उनी निर्माणधिन क्षतबाट लडेर घाइते भएपछि उनी गाउँ गएका थिए । सोही समयदेखि विरामी परेका सादाको चोटका कारण नसामा समस्या आएको उपचारमा संलग्न डाक्टरहरुले बताएका छन् ।
सादाका बुबा राजदेव सादाको केही वर्षपहिले मृत्यु भइसकेको थियो भने अहिले उनकी आमा आशा सादाको आर्थिक अवस्था झन् दयनिय रहेको छ ।
उनलाई उपचारमा सहयोगका लागि स्थानीयहरुले बैंक खाता समेत खोलेका थिए । उनको परिवारलाई सहयोग गर्नका लागि
नाम: आशा देवी मुसहर
A/C No. 01405050299596
Nepal investment bank
