हुलाकी न्यूज, काठमाडौं १२ असार । संघीय नव विचार समूहका संयोजक रिजवान अन्सारीले नेपालमा राष्ट्रिय चरित्र भएको पार्टीको आवश्यकता रहेको बताएका छन् ।
उनले देशमा रहेका सम्पूर्ण पार्टीहरु असफल भइसकेको दाबी गर्दै अब नयाँ शक्तिको आवश्यकता रहेको बताए ।
अबको आवश्यकता राष्ट्रिय चरित्रको पार्टी रहेकोले सबै समुदायलाई समेटेर पार्टी निर्माणमा जुटेको बताए । राजनीतिसंग घृणा नगरी देश निर्माण र राजनीतिक, सामाजिक, आर्थिक विकासका लागि राजनीतिमा आउनुको विकल्प नरहेकोले युवाहरुलाई राजनीतिमा आउन आह्वान गरे ।
संघीय नवाविचार समूह, नेपालले पार्टी केन्द्रीय कार्यालय बिजुलीबजारमा एक कार्यक्रम गरि रजनी मल्लिकको नेतृत्वमा १९ सदस्यीय उपत्यका तदर्थ कमिटि गठन गरेको छ ।
कमिटिमा अजय खड्का, प्रतिक्षा खड्का, माया मगर,जित माया महर्जन लगायत रहेका छन् । कार्यक्रममा समूह नेता महावीर प्रसाद मल्लि, राजु भुजेल , दिनेश पाख्रिन लगायतको सहभागिता रहेको थियो ।
