हुलाकी न्यूज, जनकपुरधाम २४ जेठ । अनियमितरुपमा जनकपुरधाममा हुँदै आएको विद्युत कटौतीविरुद्धमा जनकपुरका युवाहरु लागिपरेका छन् ।
नेपाल विद्युत प्राधिकरण जनकपुर वितरण केन्द्रले मनोमानीरुपमा विद्युत कटौती गरेको भन्दै रामानन्द चौकमा सोमबार दुई घन्टा चक्काजामसमेत गरेको थियो ।
विद्युत प्राधिकरण केन्द्रका कर्मचारीहरुले जनकपुरको विद्युत अन्यत्र बेचेको समेत आरोप लागेको छ ।
विद्युत कटौती समस्या समाधानका लागि सिडियोले भोली सर्वपक्षीय बैठक बोलाएको मधेश अधिकार संघर्ष समितिले जनाएको छ ।
अनियमित लोडसेडिङ्गबाट जनकपुरलाई मुक्त नगरिए कडा आन्दोलन गर्ने चेतावनीसमेत मासले दिएको छ ।
