हुलाकी न्यूज, काठमाडौं १५ जेठ । संयुक्त लोकतान्त्रिक मधेशी मोर्चाको मृत्यु भएको टिप्पणी नेपाल सदभावना पार्टीकी नेतृ सरिता गिरीले गरेकी छन् ।
शनिबार आफ्नो फेसबुकमार्फत गिरीले मधेशी मोर्चाका नेताहरुले मधेश आन्दोलनलाई काठमाडौंमा विर्सजन गरेको बताएकी छन् ।
उनले शुक्रबार मधेशी मोर्चाका नेताहरुले आन्दोलनलाई विर्सजन गरेर मधेशीहरुको शिर निहुर्याएको टिप्पणी गरेकी छन् ।
उनले मधेश अझै उपनिवेशको सिकार रहने टिप्पणी गर्दै मोर्चाका नेताहरुसँग मधेशी जनताले सहादतको हिसावकिताव लिने बताएकी छन् ।
