स्वतन्त्र मधेश गठबन्धनद्वारा यातना विरुद्ध प्रदर्शन सुरु (भिडियोसहित)

हुलाकी न्यूज, काठमाडौं १३ जेठ । प्रहरी हिरासतमा कार्यकर्ताहरुलाई यातना दिएको भन्दै स्वतन्त्र मधेश गठबन्धनले विहीबारबाट प्रदर्शन सुरु गरेको छ ।

बुद्ध जयन्तीका दिन लुम्बिनीबाट पक्राउ परी भैरहवामा प्रहरी हिरासतमा रहेका २० जना कार्यकर्ताहरुमाथि प्रहरीले यातना दिनुका साथै गैरमधेशी थुनुवाहरुबाट कुटपिट गराएको भन्दै गठबन्धनले प्रदर्शन सुरु गरेको हो ।

प्रहरी हिरासतमा रहेको कार्यकर्ताहरु आमरण अनसनमा बस्दै आएका छन् भने उनीहरु मध्ये अधिकांशको स्वास्थ्य अवस्था नाजुक रहेको मानव अधिकारकर्मीहरुले हुलाकी न्यूजलाई बताएका छन् ।

उनीहरुलाई तत्काल रिहा गर्नु पर्ने माग राख्दै प्रदर्शन थालिएको गठबन्धनका केन्द्रीय सहसंयोजक कैलाश महतोले हुलाकी न्यूजलाई बताए । महतोका अनुसार विहीबार यसअघि प्रहरी हिरासतबाट छुटेका ११ जनालाई स्वागत पनि गरिएको छ ।

प्रहरी हिरासतमा रहेका २० जनालाई पुनः १० दिनको म्याद थप गरिएको गठबन्धनद्वारा जारी विज्ञप्तिमा जनाइएको छ । उनीहरु आइतबारदेखि नै आमरण अनसनमा छन् ।

गठबन्धनको विज्ञप्तीमा भनिएको छ, ‘हिरासतमा रहेका समर्थकहरुमाथि प्रहरी तथा गैरमधेशीले कुटपीट गरेका कारण तथा अनेक यातना दिएका कारण तिनीहरु पटक–पटक अचेत हुने गरेका छन्, र तिनिहरुलाई पटक–पटक अस्पताल लगेर उपचार गराउनु परेको छ ।

त्यसैक्रममा सुदर्शन लोहार, रामदास बनिया र चन्द्र शेखर सुनारमाथि हिरासतमा आक्रमण हुँदा र उहाँलाई प्रहरी कै अगाडि गैरमधेशी कैदीद्वारा पिटनाले उहाँ सख्त घाइते हुनु भई अस्पतालमा भर्ना गरिएको थियो, भने बुधवार दिलीप यादव, इरफान शेखलगायत वेहोश हुनाले भैरहवाको भीम अस्पतालमा भर्ना गरिएको थियो ।’

विज्ञप्तिअनुसार ८ गते शनिबार नै सर्लाहीको सिसौटियामा गाउँमा सरसफाई अभियानको विषयमा छलफल गर्न जुटेका बखत पक्राऊ परेका १२ जना स्वतन्त्र मधेश समर्थकहरू मलंगवामा प्रहरी हिरासत मै छन् । उनीहरुलाई सार्वजनिक अपराध ऐन अन्तर्गत अनुसन्धान गर्न १० दिनको म्याद थपिएको छ ।

लुम्बिनीबाट गिरफ्तार सार्वजनिक अपराध अन्तर्गत मुद्दा चलाएकाहरुको नाम विवरण (हाल हिरासत मै, म्याद थप):