हुलाकी न्यूज, सिरहा १ जेठ । सिरहाको मिर्चैया नगरपालिका–७ जीबामा डकैती भएको छ । गएराति करिब १५ जनाको समूहमा आएका हतियारधारीले तीन वटा घरमा लुटपाट गरेका हुन् ।
हतियारधारीले १० लाखभन्दा बढीको धनमान लुटेर लगेका छन् । उनीहरूले गरगहना, नगद, ल्यापटपलगायत लुटेर लगेको पीडितले बताएका छन् ।
डकैतसँगको प्रतिकारका क्रममा स्थानीय ललिता यादव घाइते भएकी छिन् ।
घटनास्थल आईजीपी उपेन्द्रकान्त अर्यालको घरनजिक पर्छ । त्यस्तै, घटनास्थलबाट इलाका प्रहरी कार्यालय करिब पाँच सय मिटरको दूरीमा छ ।
