हुलाकी न्यूज, काठमाडौं २५ बैशाख । उपप्रधान तथा परराष्ट्रमन्त्री कमल थापाले आन्दोलनरत दललाई वार्ताका लागि आह्वान गर्न लागेको जानकारी दिएका छन् ।
काठमाडौंमा शनिवार भएको कार्यक्रममा मन्त्री थापाले आन्दोलनरत दललाई वार्तामा आउनका लागि आइतवार नै पत्र पठाउने गरी तयारी थालेको बताएका हुन् ।
उनले विगतमा भएका वार्ता र संविधान संशोधनबाट मधेशका धेरै माग सम्बोधन भइसकेको भन्दै अन्य असन्तुष्टिका विषयमा संवाद थाल्न आन्दोलनरत पक्षलाई आग्रह गरेका छन् ।
