हुलाकी न्यूज, काठमाडौं १८ चैत । संयुक्त लोकतान्त्रिक मधेशी मोर्चा विहीबार बसेको बैठकले बैशाख पहिलो सातादेखि कडा आन्दोलनमा जाने निर्णय गरेको छ ।
तराई–मधेश लोकतान्त्रिक पार्टीका अध्यक्ष महन्थ ठाकुरको निवासमा भएको बैठकमा बैशाख पहिलो साताबाट आन्दोलन गर्ने निर्णय भएको तमलोपाका उपाध्यक्ष बृषेश चन्द्र लालले जनाएका छन् ।
बैठकमा आन्दोलनका स्वरुप बारे मोर्चाको सचिवालयले तयार पारेको रिपोर्टमा छलफल भएको थियो ।
लालका अनुसार मोर्चाले आन्दोलनको औपचारिक कार्यक्रम चैतको अन्तिम साता सार्वजनिक गर्नेछ ।
सचिवालयको रिपोर्टमा आन्दोलनको समिक्षा तथा आगामी कार्यक्रम बारे छलफल भएको थियो ।
बैठकबाट आन्दोलनको स्वरुप बारे तय भईसकेको छैन । केही दिनभित्रै आन्दोलनको स्वरुप तय हुने नेताहरुले बताएका छन् ।
फाईल फोटो
