हुलाकी न्यूज, बीरगञ्ज ४ चैत । राष्ट्रिय मधेश समाजवादी पार्टीले बीरगञ्जमा मच्छर निर्मुल गर्न माग गरेको छ ।
बीरगञ्ज उपमहानगरपालिका भित्र मच्छरले सर्वसाधारणलाई सास्ती दिने गरेको र रोग फैलाउने गरेको भन्दै पर्साका प्रमुख जिल्ला अधिकारीलाई मच्छर नियन्त्रणका लागि ज्ञापन पत्र बुझाइएको हो ।
रामसपाले बुझाएको ज्ञापन पत्रमा बीरगञ्ज उपमहानगरपालिकामा सर्वसाधारणको कामहरु निकै ढिलासुस्ती पूर्वक हुने गरेकोप्रति ध्यानाकर्षण गराइएको छ ।
उपमहानगरपालिकाको बजेटसमेत हिनामिना हुने गरेको आरोप लगाउँदै रामसपाले विकासको रकम विकास मै खर्च गर्न आग्रहसमेत गरिएको छ ।
ज्ञापन पत्रमा उल्लेखित मागहरु पुरा नभएको खण्डमा आन्दोलन गर्ने चेतावनीसमेत रामसपाले दिएको छ ।
