संयुक्त आन्दोलनको अपिल गर्दै मधेशी, थारु, राजवंशी नेतालाई सीके राउतको पत्र (पत्रसहित)

हुलाकी न्यूज, काठमाडौं, २६ भदौ । स्वतन्त्र मधेश गठबन्धनका संयोजक डा. सीके राउतले मधेशमा आन्दोलनरत सम्पूर्ण शक्तिलाई स्वतन्त्र मधेशका लागि संयुक्त आन्दोलन गर्न अपिल गरेका छन् । उनले मधेशी, थारु, कोचिलाआबद्ध दल, मोर्चा, नागरिक समाजलगायत सरोकारवाला सबैको नाममा पत्र लेख्दै संयुक्त रुपमा स्वतन्त्र मधेशतराई देशका लागि शान्तिपूर्ण आन्दोलन अघि बढाउन अपिल गरेका हुन् ।

डा. राउतले झण्डै एक महिनादेखि मधेशतराईमा चलिरहेको आन्दोलनले नेपालमा मधेशतराईको अस्तित्व प्रष्ट भइसकेको कारण मधेशी जनताका लागि अन्तिम विकल्प स्वतन्त्र देश नै रहेको बताएका छन् ।

अधिकारको लागि शान्तिपूर्ण आन्दोलन गर्दा पनि नेपाली सेना र सशस्त्र प्रहरी लगाएर सिंगो मधेशरतराईलाई दमन गरिनु र मधेशरतराईको जनताको नरसंहार र विस्थापित गर्ने अपरेशन चलाउनुले स्वतन्त्र मधेशरतराईबाहेक अर्को विकल्पन नरहेको उनको ठहर छ ।

डा. राउतले संघीयतापछिको मधेशतराई कस्तो हुने भन्नेबारे विभिन्न प्रश्न उठाउँदै अहिले नै नेपाली सेनाले संविधानबाट ‘लोकतान्त्रिक’ र ‘समावेशी’ शब्द हटाइसकेका कारण संघीयता आइसकेपछि पनि मधेशीमाथि सेना र सशस्त्र प्रहरीको दमन जारी रहने बताएका छन् ।
उनले सेना लगाएर संविधान, नियम र कानूनलाई जुनै बेला पनि खारिज गर्न सकिने भन्दै ‘आत्मनिर्णय सहितको स्वायत्त मधेशरतराई’ को कुरा संविधानमा लेखाउनुपर्ने बताएका छन् ।

उनले संघीयतापछि मधेशीका लागि नागरिकता नीति, विदेश नीति र सुरक्षा नीति मधेशरतराई प्रदेश कै हातमा हुने वा नहुने बारे प्रश्न उठाएका छन् । त्यस्तै बिगत ५० वर्षमा मधेशरतराईमा पहाडीहरू ६५ बाट बढेर ३३५ भइसकेको र अर्को २०–२५ वर्षमा यो संख्या झनै विकराल हुनसक्ने बताउँदै मधेशरतराईमा पहाडीहरू आएर बस्ने र कब्जा गर्ने क्रम रोकिने वा नरोकिने बारे प्रश्न उठाएका छन् ।

संघीयतापछि मधेशरतराईको जागिर मधेशरतराईकै जनतालाई दिइने ग्यारेन्टी बारे प्रश्न उठाउँदै डा. राउतले मधेशरतराईको स्रोत र सम्पतीमाथि मधेशरतराई प्रदेश को पूर्ण नियन्त्रण रहने वा नरहने भन्ने प्रश्न राखेका छन् ।

डा. राउतले नागरिकताको लडाई मधेशीले १०० वर्ष पहिलेदेखि लडिरहेको र स्वायत्त मधेशरतराई र समानुपातिक समावेशीको माग २००८ सालमा नै ‘तराई कांग्रेस’ले सशक्त रूपमा उठाएको केलाउँदै आउने सैयौं वर्षसम्म पनि त्यही मागका लागि मधेशी जनताले बलिदानी दिनुको औचित्यमाथि प्रश्न उठाएका छन् ।

राउतले अब गाउँगाउँमा, अधिकांश जुलुस र सभाहरूमा ‘स्वतन्त्र मधेशरतराई’ को नारा लाग्न सुरु भइसकेको भन्दै नेतृत्ववर्गले जनताको आकांक्षालाई अन्यत्र मोड्न खोजेको आरोप लगाएका छन् ।

उनले मधेशरतराईका सभासद्हरूले नेपालको संविधानसभाबाट राजीनामा दिएर नागरिक समाज समेत मिलाई ‘अन्तरिम मधेशरतराई संसद्’ गठन गरेर स्वतन्त्र मधेशतराई देशका लागि आन्दोलन गर्नुपर्ने र यसमा स्वतन्त्र मधेश गठबन्धन सहकार्य गर्न तयार रहेको बताएका छन् ।