हुलाकी न्यूज, काठमाडौं १९ फागुन । स्वतन्त्र मधेश गठबन्धनका ६ जना कार्यकर्ताहरुलाई विशेष अदालतले हिरासतमा राख्नका लागि म्याद थप गरेको छ ।
बुधबार ३ जनालाई १२ दिनका लागि म्याद थप गरिएको हो भने सोमबार पनि तीन जनालाई त्यतीनै दिनका लागि म्याद थप गरिएको थियो ।
बुधबार राजविराज ७ का सुरेन्द्र मधेशी, सप्तरी कल्याणपुर ३ का मो.अस्मान अन्सारी र सप्तरी भारदह ५ का बुधेश्वर मण्डलको म्याद थप गरिएको हो ।
त्यस्तै सोमबार सप्तरी भारदह १ का श्यामसुन्दर मण्डल, भारदह २ का सुरेन्द्र मण्डल र भारदह ५ का भोगेन्द्र शर्माको १२ दिन म्याद थप गरिएको थियो ।
पक्राउ परेका डा.सीके राउतका कार्यकर्ताहरुमाथि राज्य विरुद्धको अपराध मुद्दा लगाइएको छ ।
सोमबार म्याद थप गरिएकाहरुलाई काठमाडौंको बानेश्वर प्रहरी बृतमा चोरी–डकैती मादामा पक्राउ परेकाहरुसँगै राखिएकोले कार्यकर्ताहरुलाई समस्या भइरहेको गठबन्धनका उपाध्यक्ष चन्दन सिंहले हुलाकी न्यूजलाई बताए ।
