हुलाकी न्यूज, काठमाडौं १७ फागुन । सोमबार काठमाडौंको नयाँ बानेश्वरस्थित मसला कटेजमा मधेशप्रति चनाखो बुधिजिवि तथा सर्वसाधारणको उपस्थिति थियो ।
संयुक्त मधेशी राष्ट्रिय आन्दोलन समितिले आयोजना गरेको अन्तरक्रिया कार्यक्रम मधेश आन्दोलन : सम्भावना र चुनौतीको सञ्चालन आन्दोलत समितिका संयोजक मातृका यादव स्वयम्ले गर्दै थिए ।
कार्यक्रममा विश्लेषक सीके लाल, खगेन्द्र संग्रौलादेखि प्रदिप गिरी र दमननाथ ढुँगानासमेतको उपस्थित थियो । अन्य कयौं विशिष्ट व्यक्तिहरु सहभागी थिए । सबैले आ–आफ्नो विचार राखे ।
तर कार्यक्रमको अन्त्यमा आन्दोलन समितिका संयोजक मातृका यादवले मधेश राजनीतिमा इमानदार व्यक्तिहरुको कमी रहेको बताए ।
संयोजक यादवले मधेश राजनीतिमा रहेका अधिकांश व्यक्ति इमानदार नभएकोले इमानदार मधेशीहरुलाई राजनीतिमा आउन आह्वान गरे । उनले इमानदार मधेशी मधेश राजनीतिमा सक्रिय नभएकोले अहिलेको अवस्था आएको औल्याए ।
यादवले भने,‘इमानदारहरु आन्दोलनमा आयो भने बेइमानहरु आफै विस्थापित हुनेछ । मधेशीहरु अव शासक बन्ने कि सेवक निरक्यौल गर्नु आवश्यक छ । बृहत्त मोर्चा बनाउनका लागि मैले मधेशी नेताहरुको घर–घर पुगे तर उनीहरुले मानेन । म अहिले पनि उनीहरुलाई बृहत्त मोर्चा बनाउन आग्रह गर्दछु । र, आन्दोलनलाई सफल बनाउन आग्रह गर्दछु । मधेशी युवाहरुलाई अगाडि आउन उत्साहित हुन आग्रह गर्दछु ।’
ईमानदारी को केहि मापदण्ड छ?
मधेश आंदोलनको जिम्मेवारी कस्ले लीने?
के यो आन्दोलनमा तपाई थिएँ थियो?
तपाईको बर्तमान संगठनले आंदोलन सम्भव छ?