हुलाकी न्यूज, काठमाडौं १६ फागुन । मधेश–थरुहट आन्दोलन बारे हुलाकी न्यूज डटकमले गोलमेच छलफल सुरु गरेको छ । पहिलो चरणमा शनिबार मधेशी–थारु युवाहरुसँग छलफल गरिएको छ ।
छलफलमा राजनीतिक दलमा आवद्ध, पेसाकर्मी तथा स्वतन्त्र युवाहरुसँग मधेश–थरुहट आन्दोलनको भावी नीतिबारे छलफल गरिएको छ ।
छलफलमा विभिन्न क्षेत्रका मधेशी–थारु युवाहरु गरी २१ जनाले आफ्ना धारणा राखेका छन् । छलफलमा युवाहरुले राखेका धारणा क्रमिक रुपमा हुलाकी न्यूजले प्रकाशित हुनेछ ।
गोलमेचमा सहभागी अधिकांश युवाहरुले मधेश–थरुहट आन्दोलन समाप्त नभई नेतृत्व समाप्त भएको जिकिर गरेका छन् । उनीहरुले नयाँ नेतृत्व स्थापित भए मात्र मधेश–थरुहट आन्दोलन अगाडि बढ्ने धारणा राखे ।
