हुलाकी न्यूज, नयाँ दिल्ली ११ फागुन । भारत भ्रमणमा रहेका नेपालका प्रधानमन्त्री केपी ओलीको विरोधमा आज नयाँ दिल्लीको जंतर मंतरमा मधेशी–थारुहरुले प्रदर्शन गरेका छन् ।
उनीहरुलाई विहारका नेताहरुले पनि सहयोग गर्नुनका साथै डा.सीके राउतका कार्यकर्ताहरुले पनि सहयोग गरेका थिए ।
युनाईटेड मधेशी नयाँ दिल्लीका संयोजक संजय यादवले जनाए अनुसार मंगलबार जंतर मंतरमा भारतीय नेता डा.रघुबंश प्रसाद सिंहसहितका नेताहरु पनि सहभागी भएका थिए ।
यता दिल्लीमा रहेका डा.सीके राउतका कार्यकर्ताहरु पनि जंतर मंतरको प्रदर्शनमा सहभागी भएका थिए ।
