हुलाकी न्यूज, काठमाडौं ७ फागुन । एमाओवादी अध्यक्ष पुष्पकमल दाहाल र सदभावना पार्टीका अध्यक्ष राजेन्द्र महतोबीच फोनमा चर्काचर्की भएको छ ।
शुक्रबार दिउँसो प्रचण्डले महतोलाई फोन गरी राजनीतिक संयन्त्रमाथि सहमति जनाउन आग्रह गरेका थिए । तर महतोले एकतर्फी रुपमा बनाइएको संयन्त्रमाथि आफ्नो सहमति नरहने जवाफ दिएका थिए ।
प्रचण्डले छलफल गर्न आवश्यक रहेको बताएपछि महतो आक्रोसित हुँदै ‘तपाईहरुले वातावरण विगार्ने अनी सहमतिको लागि बोलाउने’ भन्दै चर्केका थिए ।
महतोले मोर्चाका कार्यकर्ताहरुको पक्राउ तथा मुद्दा लगाउने कार्य तत्काल रोक्न आग्रह गरेपछि प्रचण्डले गृहमन्त्रीलाई तत्काल निर्देशन दिने बताए ।
प्रचण्डले आन्दोलनको क्रममा मधेशीहरुमाथि लगाइएको मुद्दा फिर्ता हुने बताए ।
