हुलाकी न्यूज, काठमाडौं २९ माघ । मधेशमा जारी आन्दोलनलाई मधेशवादी पार्टीहरुले विर्सजन गरेको भन्दै वार्तारत सशस्त्र समूहहरु पुनः हतियार उठाउने तयारीमा छन् ।
जनतान्त्रिक तराई मुक्ति मोर्चाको आगामी साता बस्ने केन्द्रीय समितिबाट हतियार उठाउने निर्णय हुन सक्ने मोर्चाका अध्यक्ष डा.मनोज मुक्ति‘विवेक’ले हुलाकी न्यूजलाई बताएका छन् ।
डा.मुक्तिका अनुसार मधेशवादी पार्टीहरुले मधेशी जनतालाई आन्दोलनमा हत्या गराएको र विनानिष्कर्ष आन्दोलन तुहाएकोले अवको विकल्प सशस्त्र संघर्ष हुन सक्नेछ ।
मुक्तिले अहिले नै हतियार उठाउने निर्णय नभईसकेको र आगामी केन्द्रीय समिति बैठकबाट हुने बताए ।
यता विहीबार जनतान्त्रिक तराई मुक्ति मोर्चाले जारी गरेको प्रेस विज्ञप्तिमा मधेशवादी दलका नेताहरुलाई खबरदारी पनि गरिएको छ ।
पछिल्लो महिनादेखि मधेशका जिल्लाहरुमा केही सशस्त्र समूहहरु पनि सक्रिय हुन थालेका छन् । कभर : फाईल फोटो
