हुलाकी न्यूज, नयाँ दिल्ली ६ माघ । विगत दुई सातादेखी दिल्लीको एम्समा उपचाररत मधेश आन्दोलनका घाइते लालबाबु पटेलको अवस्था बारे जानकारी लिइएको छ ।
युनाइटेड मधेशी र तराई मधेश अध्ययन समूहका सदस्यहरुले पटेलको अवस्था बारे जानकारी लिएको हो ।
युनाइटेड मधेशीका संयोजक संजय यादबले हुलाकी न्यूजसँग कुराकानी गर्दै पटेलको स्वास्थ्य अवस्था सुध्रिदै गएको र डाक्टरले केही दिन आराम गर्न सुझाव दिएको बताए ।
युनाइटेड मधेशी र तराई मधेश अध्ययन समूहले घाइते पटेललाई आर्थिक सहयोग पनि गरेको छ । पटेललाई यि दुई संस्थाका सदस्यहरुले नियमित देखभाल गर्दै आएको छ ।
