अर्कना खातुन, काठमाडौं ११ पुस । संयुक्त लोकतान्त्रिक मधेशी मोर्चाको पूर्वनिर्धाति कार्यक्रमअनुसार शनिबार मधेशका सम्पूर्ण जिल्लामा शक्ति प्रदर्शन हुँदैछ । त्यस्तै संघीय समावेशी मधेशी गठबन्धनले विरगंजमा युवा जागरण सभा गर्दैछ ।
मधेशी मोर्चाको पछिल्लो बैठकबाट सार्वजनिक गरिएको आन्दोलनका कार्यक्रमअनुसार मोर्चाले आज जिल्ला सदरमुकाम तथा नगरहरुमा शक्ति प्रशर्दन गर्न लागेको हो ।
मोर्चाका नेताहरुका अनुसार शक्ति प्रदर्शनका क्रममा प्रहरीबाट हस्तक्षेप हुन सक्ने भन्दै त्यसको तयारीसमेत थिएको छ । मोर्चाले शान्तिपूर्ण प्रदर्शन गर्ने जनाएको छ ।
यता संघीय समावेशी युवा गठबन्धनले विरगंजको माईस्थानमा जागरण सभा गर्दैछ । अधिकार प्राप्तिका लागि जागरण भन्दै आज सभा गर्न लागिएको युवा गठबन्धनका संयोजक इश्वर यादवले हुलाकी न्यूजलाई बताए ।
यादवका अनुसार जागरण सभाबारे जानकारी गराउन शुक्रबार साँझ मोटरसाईकल रैली प्रदर्शन गरिएको थियो ।
तस्बिर : शुक्रबार विरगंजमा प्रदर्शन गरिएको मोटरसाईकल रैली
