हुलाकी न्यूज, जनकपुरधामः किसानको माग पुरा नभएसम्म आन्दोलन जारी रहने जनमत पार्टीले जनाएको छ।

किसान आन्दोलनको क्रममा सिरहामा पक्राउ परेका किसान नेताहरु रिहा भएपनि आन्दोलन जारी रहने जनाइएको छ।

विभिन्न माग राखि आन्दोलनमा उत्रिएका किसानहरुको माग पुरा नभएसम्म आन्दोलन जारी रहने जनमत पार्टीका अध्यक्ष डा.सीके राउतले बताएका छन्।

विभिन्न निकायले वार्ताको नाममा आन्दोलनलाई मत्थर पार्न खोजेको भन्दै संघीय मन्त्रिपरिषद्बाट उच्च स्तरीय वार्ता समिति गठन भए मात्र वार्ता हुने डा.राउतले स्पष्ट पारे।

किसानहरुको माग पुरा गराउन प्रदेश २ को सप्तरी, सिरहा, धनुषा, सर्लाही, रौतहट, बारालगायतका जिल्लामा बुधबार पनि चक्काजामको घोषणा गरिएको छ। बाँकी मोरङ्गदेखि बर्दियासम्मका जिल्लाहरुमा विरोधका विभिन्न कार्यक्रम भइरहेको छ।

किसानलाई समयमा मलखाध उपलब्ध गराउनु पर्ने, सिचाईको व्यवस्था हुनु पर्ने वा किसानलाई निःशुल्क बिजुली दिनु पर्ने, हावाहँुरी तथा बाढीबाट क्षति भएको बाली वपातको राहत दिनु पर्ने माग राख्दै जनमत पार्टीले आन्दोलन गरिरहेको छ।

किसानहरुको ठूलो जनसमर्थन देखिदै गएको आन्दोलनको मागमा कृषि उपजको मूल्य निर्धारण गर्नुपर्ने, उखु किसानको भुक्तानी गर्नु पर्ने, किसानमाथि दमन बन्द गर्नु पर्नेलगायतको माग राखिएको छ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.