जनकपुर : जनमत पार्टीका राष्ट्रिय अध्यक्ष डा. सीके राउत देश भरिका किसानहरुले भोगिरहेको समस्या प्रती गम्भीरता देखाएको छ। अध्यक्ष राउतले प्रेस बिज्ञपति निकाल्दै किसानहरूमाथि दमन नरोकिए र वैकल्पिक सहज व्यवस्था नगरीकन अझै पनि नेपाल सरकारले उनीहरूको सिँचाईं मोटर र मलखाद खोस्ने कार्य गरे जनमत पार्टी आन्दोलनमा उत्रिन बाध्य हुने जनाइएको छ। देशभरिका किसानहरूले भोगिराखेको सिँचाईं र मलखादको अभावको समस्याप्रति जनमत पार्टीको गम्भीर ध्यानाकर्षण भएको छ। आफ्नो परिवार र बालबच्चाको जीवन धान्न खेती नगरी नहुने अवस्थामा रहेका किसानहरू नेपाल सरकारले सिँचाईं र मलखादको उपयुक्त व्यवस्था नगरी दिँदा मारमा मात्रै पर्दै आएका छैनन्, उनीहरूको पूरै परिवारको जीवन नै संकट र भोकमरीले ग्रस्त हुने अवस्थामा रहेको छ। सरकारले केही नगर्ने तर किसानहरूले खेतीका लागि जसोतसो सिँचाईं र मलखादको प्रबन्ध गर्दा नेपाल विद्युत प्राधिकरणले सिँचाईं मोटर खोसिदिने, प्रहरी लगाएर कुटपीट र पक्राऊ गर्न लगाउने, मलखाद ल्याउँदा प्रहरीले अनावश्यक यातना दिने, घूस माग्ने र नदिए आधा बोरा मलखाद समेत जफ्त गर्ने गरेको देखिएकाले सरकारले सम्बन्धित किसानहरूको लागि सिँचाईं र मलखादको व्यवस्था आफैंले नगरी दिँदासम्म ती गतिविधिहरू र किसानहरूमाथिको दमन तत्कालै रोक्न प्रेस बिज्ञप्तीमा भनिएको छ।
किसानहरूमाथि सो दमन नरोकिए र वैकल्पिक सहज व्यवस्था नगरीकन अझै पनि नेपाल सरकारले उनीहरूको सिँचाईं मोटर र मलखाद खोस्ने कार्य गरे आन्दोलनमा उत्रिन बाध्य हुने जनाइएको छ।
