भारतीय राजदूतावासको गाडीमा आगजनी

हुलाकी न्यूज/मंसिर १२ । भारतीय राजदूतावासको गाडीमा आगजनी भएको छ । काठमाडौंको पानीपोखरीमा पार्किङ गरी राखिएको राजदूतावासको २२ सीडी १७ नम्बरको अल्टो कारमा आगजनी भएको हो । आगजनीको जिम्मा विप्लव समूहले लिएको छ । तर, स्थानीयवासीले भने एक्कासी आगो लागेको जनाएका छन् । यता, प्रहरीले भने विद्युत् सर्ट भई आगो लागेको हुन हुनसक्ने अनुमान गरेको छ । विपल्प समूहले गाडी जलाएको दाबी गरे पनि प्रहरीले भने अनुसन्धान पनि मात्र केही भन्न सकिने जनाएको छ । आगजनीबाट गाडीका सिसाहरू फुटेका छन् भने सिटहरू जलेका छन् । स्थानीयवासी र प्रहरीले आगो नियन्त्रणमा लिएका थिए ।