परिषकुमार कर्ण, राजविराज ६ मंसिर । गएराती सप्तरीको भारदह र रुपनीमा प्रहरीले प्रदर्शनकारीहरुमाथि अन्दाधुन्द गोली चलाउँदा दुई जना प्रदर्शनकारी मारिएका छन् भने एक दर्जनभन्दा अधिक गम्भीर घाइते भएका छन् ।
भारदहमा प्रहरीले चलाएको गोलीबाट डाढा गाविस वडा ५ बलिया टोलका १५ वर्षीय बालक विरेन राम मारिएका छन् ।
त्यस्तै रुपनीमा प्रहरीले चलाएको गोलीबाट जमुनी मधेपुरा गाविस वडा ९ का २८ वर्षीय नागेश्वर यादव मारिएका छन् ।
रुपनीमा प्रहरीको गोली लागेका एक जनाको अवस्था गम्भीर रहेको छ । उनको डाँढको पछाडि भागमा गोली लागेको घाइतेहरुको उपचारमा सक्रिय डा.रामज्ञान यादवले हुलाकी न्यूजलाई बताए ।
डा.यादवका अनुसार अन्य सात जनामध्ये भारदहमा गोली लागेका एक जना ५२ वर्षीय बृद्धको अवस्था गम्भीर रहेको छ । उनी गएरातीदेखि नै अचेत रहेको डा.यादवले बताए ।
डा.यादवका अनुसार बीपी कोइराला स्वास्थ्य विज्ञान प्रतिष्ठानमा ८ जना गम्भीर घाइतेको उपचार भइरहेको छ ।
उनका अनुसार अहिले दुई जनाको अपरेशन हुँदैछ ।
यसरी भयो घटना
संयुक्त लोकतान्त्रिक मधेशी मोर्चासहित थारु र मुस्लिम गठबन्धनले शनिबारदेखि राजमार्ग केन्द्रीत आन्दोलन सुरु गरेको छ । उक्त आन्दोलनअनुसार हजारौंको संख्यामा प्रदर्शनकारीहरु मधेशका विभिन्न जिल्लााको राजमार्ग घेराउ गरी बसेका छन् ।
सोहीअनुसार सप्तरीको भारदह, रुपनी र बरमझियामा पनि प्रदर्शनकारीहरु राजमार्ग जाम गरेर बसेका छन् ।
काठमाडौंबाट छुटेका गाडिहरु तथा लामोदुरीको गाडीलाई प्रहरीले रातीको समयमा स्कटिङ गरेर लग्दै आएको थियो । बीपी राजमार्गबाट गुड्ने गाडिहरु पूर्वपश्चिम राजमार्ग अन्तरगत धनुषाको लालगढमा दिउँसो रोकिन्थ्यो र राती कोसी पार गरिन्थ्यो ।
राती पनि सोहीअनुसार प्रहरीले गाडि पास गर्न खाजे । पहिलो झडप धनुषाको ढलकेबरमा भयो । त्यहाँ बल प्रयोग गरेर प्रहरीले बाटो खाली गराए । त्यसपछि अन्य स्थानमा थोरै संख्यामा प्रदर्शनकारीहरुलाई प्रहरीले तितरवितर पारे ।
तर सप्तरीको रुपनी र भारदहमा हजारौंको संख्यामा प्रदर्शनकारीहरु सडकमा बसेका थिए । उनीहरुलाई धपाउन प्रहरीले साँझ माईकिङ्गसमेत गरेको प्रहरीको दाबी छ ।
तर प्रदर्शनकारीहरुका अनुसार प्रहरीले अचानक राती करिब ११ बजेपछि फाईरिङ्ग सुरु गरे । सयौं राउण्ड आश्रुग्याँस प्रहार गरेपनि प्रदर्शनकारी सडक छोड्न मानेन । त्यसपछि प्रहरीले अन्दाधुन्द गोली चलाउन थाले । प्रदर्शनकारीहरु भागभाग भए ।
धान खेतमा भागी रहेका प्रदर्शनकारीहरुलाई पनि ताकेर प्रहरीले गोली हानेको प्रदर्शनकारीहरुको दाबी रहेको छ ।
आइतबार विहानैदेखि सप्तरीको विभिन्न स्थानमा प्रदर्शन जारी रहेको छ । स्थानीय प्रशासनले लगाएको कफूर्य तोड्ने कार्यक्रम पनि प्रदर्शनकारीहरुको रहेको छ ।
Ab shantipurna aandolan le hudain…..baru grih yudh shuru garnu parch madheshi janata le…….Kati madheshi janata mari rakhne police ko goli lager………………………I call every Madheshi people who are involved in aandolan…………plz come with weapon and artillery to reply police firing in Madhesh………becoz “power comes from the barrel of a gun”