मनोज मोरबैता, जनकपुरधाम : प्रदेश २ को धनुषा निर्वाचन क्षेत्र नम्बर २(ख)बाट प्रदेशसभामा निर्वाचित प्रदेश सांसद रामआशिष यादवको कालाकर्तुत बाहिर आएको छ ।

प्रदेश निर्वाचन क्षेत्र विकास कार्यक्रम अन्तरगत औरही गाउँपालिका १ स्थित पौडेश्वरको जमुनी नदी किनारमा निर्माणाधीन गोविन्द मन्दिर निर्माण स्थलमा राखेको सूचना बोर्डमा सम्झौता रकम नलेखेपछि उनीमाथि भ्रष्टाचारको गन्ध आउन थालेको हो ।

सांसद रामआशिष यादव कुराले पहाडै खसाउने, समुद्रमा वस्ती नै बसाउने खालका छन् । तर विकास निर्माणका काममा भने पारदर्शिता देखाउन नसकेको स्थानीयको भनाई छ । नाम नखुलाउने सर्तमा एक स्थानीयले भने, ‘सांसद यादवले कमिसनको बारगेनिङ गरेर मात्र काम दिने गरेका छन् । सांसद यादवले कमिसन नपाउँदा सम्म भुक्तानी नै नदिने गरेको उनले बताए ।

उनले विकास हुनु राम्रो भएपनि योनाका विषयमा सबै कुरा अगाडि नै खुलाउनु पर्ने बताए । तर उनले गोविन्द मन्दिर निर्माण स्थलमा राखेको बोर्डमा लागत रकम खुलाएका छैनन्, यसबाट प्रष्ट हुन्छ कि उनले सो योजनामा ठुलै रकमको चलखेल गरेका छन् । उनले भने, सांसद रामआशिष यादवले भ्रष्टाचारको विरुद्धमा ओकालत समेत गर्ने गरेका छन् ।

तर आफै भ्रष्टाचारमा लिप्त भएको देखिन्छ । त्यसको प्रमाण मन्दिर निर्माण कार्यमा लाखौंको भ्रष्टाचार भएको प्रमाणित हुन्छ ।

स्थानीयका अनुसार सो योजना २०७७ चैत्र मसान्तमा सम्पन्न गर्नु पर्ने भएपनि अहिले सम्म मन्दिरको पिल्लर सम्म उठेको छैन । जनताका आशा र भरोसाका केन्द्र मानिएका सांसदहरुले नै यसरी योजना अलपत्र पार्ने र बजेट आफ्ने खल्तीमा हाल्ने गर्दा सम्म नियमनकारी निकायको ध्यान जान नसकेको भन्दै स्थानीयले दुःख व्यक्त गरेका छन् ।

यता सो निर्माणाधीन मन्दिरको योजनाका विषयमा थप कुरा बुझ्न सांसद यादवलाई पटक पटक फोन गर्दा समेत फोन सम्पर्क हुन सकेन ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.