हुलाकी न्यूज, जनकपुरधाम : डा. सीके राउत नेतृत्वको जनमत पार्टीले यही चैत २८ गते जनकपुरधामको बाह्रबिघा मैदानमा राष्ट्रिय महाधिवेशन गर्ने भएका छन् ।
यस महाधिवेशनमा देशभरबाट ५ हजार प्रतिनिधि सहभागी हुने उक्त पार्टीले जनाएका छन् भने महाधिवेशनमा २५ हजार स्वयंमसेवक परिचालन हुने र विदेशका अतिथिहरु समेत सहभागी हुने छन् ।
महाधिववेशनमा सहभागी हुने प्रतिनिधिले अनिवार्य रुपमा पार्टीको सदस्यता घाँटीमा झुण्ड्याएको हुनुपर्ने र स्वयंमसेवकले अनिवार्य एक हजार रुपैयाँ सहयोग गर्नुपर्ने निर्देशन जानाकरी दिएका हुन्।
महाधिवेशनमा सहभागी हुनका लागि चैत १५ गतेभित्र वडा तथा पालिका अधिवेशनहरु सम्पन्न गरिसक्न पनि निर्देशन दिइएको छ । डा. राउतले जारी गरेको मार्गनिर्देशमा भनिएको छ, ‘चैत १५ गतेपश्चात प्राप्त हुने अधिवेशन प्रतिनिधिहरुको सूचीलाई महाधिवेशनमा समावेश गरिने छैन भने महाधिवेशनकालागि सो पार्टीले आफ्नै सुरक्षा दस्ता पनि परिचालन गर्ने जनाएका हुन्।
