हुलाकी न्यूज,सिरहा : सिरहामा स्कुल बसको ठक्करबाट एक बालकको मृत्यु भएको छ।
बसको ठक्करबाट सिरहा कर्जान्हा नगरपालिका-२ का संजिप सुनामको ८ वर्षीय छोरा साजन सुनामको मृत्यू भएको हो।
आइतबार दिउँसो १:३०बजे सिरहाको कर्जन्हा नगरपालिका-२ स्थित पि.भि.एम बोर्डिङ्ग स्कुलको बसले ठककर दिदा स्थानिय संजिप सुनामको छोरा ८ वर्ष काे साजन सुनामको मृत्यू भएको स्थानियले जनाएको छ।
बालकलाई ठक्कर दिएको बस र विद्यालय कर्जन्हा नगरपालिका वडा नं. २ को वडा अध्यक्ष गणेश अधिकारी को रहेको बताइएको छ।
बस र बस चालक इलाका प्रहरी कार्यालय मिर्चैयाको नियन्त्रणमा रहेको र घटना सम्बन्ध मा थप अनुसन्धान भइरहेको ईलाका प्रहरी कार्यालय मिर्चैयाले जनाएको छ।
