हुलाकी न्यूज, काठमाडौं : लोकसेवा आयोगले रिक्त रहेको सहसचिव र उपसचिवको पदपूर्तिका लागि ६३८ पदका लागि आवेदन मागेको छ।
आयोगले राजपत्रांकित प्रथम श्रेणी सहसचिव र द्वितीय श्रेणी उपसचिव पदपूर्तिका लागि आवेदन मागेको हो। आयोगले निजामती, संसद् र स्वास्थ्यमा गरेर सहसचिवका लागि १०२ तथा उपसचिव ४५६ पदका लागि आवेदन मागेको हो।
आयोगले उपसचिव बढुवा ३८४ र खुला ७२ गरेर ४५६ जनाको लागि आवेदन मागेको हो।
आयोगले जसमध्ये निजामतीतर्फ बढुवा दुई सय ६६ र खुला २७ जना गरेर २९३ जना मागेको छ। संसदतर्फ १ जनाका लागि आवेदन खुला गरिएको छ। स्वास्थ्यतर्फ १४५ जना मागिएको छ।
आयोगले सहसचिवतर्फ १६३ जना बढुवा र १९ जना खुलातर्फ गरेर १०२ पदका लागि आवेदन मागेको हो। जसमध्ये निजामती तर्फ बढुवा ९५ र खुला १०, संसदतर्फ बढुवा ३ र स्वास्थ्यतर्फ ६५ जना बढुवा र ९ जना खुला गरेर ७४ पदका लागि आवेदन मागिएको छ।
निजामती, संघीय संसद्, स्वास्थ्य सेवातर्फ मागेको आवेदन कात्तिक १ गतेसम्ममा दिन सकिने छ ।
आवेदन आयोगको वेवसाईटमार्फत भर्न सकिन्छ। कोभिड–१९ संक्रमण बढ्दै गएका बेला आयोगले वार्षिक कार्यतालिकाअनुसार परीक्षाको तयारी थालेको हो। आयोगले कोरोना संक्रमणको जोखिम समयमा स्वास्थ्य मापदण्ड पूरा गरेर परीक्षा लिने जनाएको छ।
