हुलाकी न्यूजः प्रदेश नं.२ मा प्रदेश सरकारले ल्याएको अगामी आर्थिक वर्ष २०७७/७८ को बजेट प्रदेशसभाबाट बहुमतले पारित भएको छ । आइतबार बसेको प्रदेश सभामा सर्वसम्मत हुन नसकेपछि मत विभाजन गर्दा बहुमतले बजेट पारित भएको हो ।

मतदानमा ८० जना सांसद सहभागी भएका थिए । प्रदेशसभामा उपस्थित ७४ र अनलाइन (जुम)मा उपस्थित भएका ६ जना गरी ८० जनामध्ये ४८ जना सांसदले विनियोजन विधेयकको पक्षमा मतदान गरेका थिए । मतविभाजन प्रक्रियामा पक्ष र विपक्षमा उपस्थित सांसदहरुलाई उभिन लगाएका थिए । प्रदेशसभा २ मा १ सय ७ सांसद छन् ।

मन्त्रालयगत छलफल सकिएपछि आर्थिक मामिला तथा येजनामन्त्री विजय यादवले प्रस्ताव गरेको विनयोजन विधेयक पारित गर्ने प्रस्ताव प्रदेशसभाका सभामुख सरोज यादवले निणर्यार्थ प्रस्तुत गरेका थिए ।

त्यसक्रममा प्रमुख प्रतिपक्ष नेकपा सांसद सुन्दर विश्वकर्माले असहमति जनाउँदै मत विभाजनको माग गरेका थिए । विपक्षीले मत विभाजनको माग गरेपछि प्रदेशसभामा उपस्थित र अनलाइन माध्यमबाट सांसदहरु सहभागी भएका थिए ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.