समाजवादी युवाका अध्यक्ष पाण्डे स्वास्थ्य सामाग्री वितरणमा सक्रिय

हुलाकी न्यूज, जलेश्वर : समाजवादी युवा संघ महोत्तरीका अध्यक्ष राहुलकुमार पाण्डे स्वास्थय सामाग्री वितरणमा सक्रियता देखाएका छन्।

अध्यक्ष पाण्डेले जिल्लाका विभिन्न स्थानीय निकायहरुमा स्वास्थ्य सामाग्री उपलब्ध गराएको जनाएका हुन्।

महोत्तरीको पिपरा गाउँपालिकामा करिब ४ हजार मास्क र सावुन वितरण गरेका पाण्डेले जलेश्वर नगरपालिकामा करिब २ हजार मास्क वितरण गरेको जनाएका छन्।

यसैगरी, महोत्तरीकै नेता सरोजसिंह कुशवाहा, सांसद डा.सुरेन्द्र यादव, समाजवादी पार्टीका महोत्तरी जिल्ला अध्यक्ष र औरही गाउँपालिकामा समेत उनले मास्क उपलब्ध गराएको बताए।

जनकपुरको असहाय संरक्षण केन्द्र र जनकपुर युथ क्लवलगायतलाई स्वास्थ्य सामाग्री उपलब्ध गराउनुका साथै काठमाडौंस्थित पार्टी कार्यालयमा पनि राहतका लागि रकम उपलब्ध गराएको जानकारी दिए।

अध्यक्ष पाण्डेले कोरोना महामारीका बेला थप राहत वितरणको कार्यक्रम रहेको सुनाए।