कांग्रेसले डाक्यो पदाधिकारी बैठक

हुलाकी न्यूज काठमाडौं : प्रमुख प्रतिपक्षी दल नेपाली कांग्रेसले पदाधिकारी बैठक बोलाएको छ।

सरकारले ल्याएको संवैधानिक परिषद् र दल सम्बन्धी अध्यादेशका विषयमा धारणा बनाउन कांग्रेसले पदाधिकारी बैठक बोलाएको हो।

नेता कृष्णप्रसाद सिटौलाका अनुसार मंगलबार विहान ९ बजे कांग्रेसको पदाधिकारी बैठक बस्नेछ।

पदाधिकारी बैठक पछि मात्र कांग्रेसले अध्यादेशहरुको विषयमा आधिकारिक धारणा सार्वजनिक गर्ने उनले जनाए।