काठमाडौं, २२ चैत । प्रधानमन्त्री केपी शर्मा ओलीले आज अपराह्न ४ को लागि मन्त्रिपरिषद्को बैठक बोलाएका छन् ।
बैठक सरकारी निवास बालुवाटारमा बस्ने प्रधानमन्त्री तथा मन्त्रिपरिषद्को कार्यालयले जनाएको छ ।
बैठकमा लकडाउनका कारण सर्वसाधारणलाई परेको प्रभाव, लकडाउनको अवधिलगायत समसामयिक विषयमा छलफल हुने प्रधानमन्त्रीको सचिवालयले जानकारी दिएको छ ।
कोरोना भाइरसको संक्रमण फैलिन नदिन सरकारले चैत २५ गतेसम्मका लागि लकडाउन घोषणा गरेको छ । तर, नेपालमा लकडाउन प्रभावकारी देखिएको छ । तर, विश्वभर कोरोनाको संक्रमण बढ्दो क्रममा रहेको छ ।
अर्कोतर्फ छिमेकी मुलुक भारतमा पनि संक्रमितको संख्या बढ्दै गएकाले तत्कालै नेपालको लकडाउन खुल्ने सम्भावना देखिएको छैन ।
