एजेन्सी । कोरोना भाइरसबाट मृत्यु हुनेको संख्या ६ हजार ५ सय १५ पुगेको छ । १ लाख ६९ हजार पाँच सय ३१ संक्रमित भएकामध्ये ७७ हजार ७ सय ५३ जना ठीक भएर घर फर्किएका छन् ।
उपचार गराइरहेका ८५ हजार २ सय ६३ जनामध्ये ५ हजार ९ सय २१ को अवस्था गम्भीर रहेको छ । चीनमा हालसम्म मृत्यु हुनेको संख्या ३२ सय १३ पुगेको छ । एक हप्ता यता नयाँ संक्रमण अत्यन्तै कम देखिएको चीनमा थप १४ जनामा कोरोनाको संक्रमण देखिएको छ । चीनमा संक्रमण देखिएका ८० हजार ८ सय ५८ जनामध्ये ६७ हजार ७ सय ५२ जना उपचारपछि घर फर्किएका छन् ।
पछिल्लो समय युरोपेली मुलुकलाई केन्द्रविन्दु बनाएर फैलिरहेको कोरोनाको संक्रमणले इटाली, स्पेन, फ्रान्स लगायतका मुलुकलाई समस्यामा पारेको छ । इटालीमा कोरोनाभाइरसको संक्रमणबाट एकै दिन ३ सय ६८ जनाको मृत्यु भएको छ ।
पछिलो २४ घण्टाभित्र ३ सय ६८ को मृत्यु भएपछि इटालीमा ज्यान गुमाउनेको संख्या १८ सय ९ पुगेको छ । थप ३५ सय ९० जनामा संक्रमण देखिएपछि संक्रमित हुनेको संख्या २४ हजार ७४७ पुगेको छ । उपचार गराइरहेका २० हजार ६ सय ३ जनामध्ये १६ सय ७२ जनाको अवस्था गम्भीर रहेको छ । संक्रमण व्याप्त भएपछि इटालीमा सोमबारदेखि देशव्यापी लकडाउन गरिएको छ । स्पेनमा थप ९६ जना संक्रमितको मृत्यु भएपछि ज्यान गुमाउनेको संख्या २ सय ९२ पुगेको छ । ७ हजार ८ सय ४५ जनामा संक्रमण भएको छ ।
त्यस्तै फ्रान्समा १२७ जनाको मृत्यु भएको छ भने ५४ सय २३ जना संक्रमित भएका छन् । सङ्क्रमणबाट बेलायतमा पछिल्लो २४ घण्टामा थप १४ जनाको मृत्यु भएपछि ज्यान गुमाउनेको संख्या ३५ पुगेको छ । १३ सय ११ जना मानिस संक्रमित भएका छन् । कोरोनाभाइरसका कारण नेदरल्याण्डमा २०, स्विटजरल्याण्डमा १४ जना, जर्मनीमा ११, बेल्जियममा ४, नर्वे तथा स्विडेमा ३–३ जनाको मृत्यु भएको छ ।
एसियाली मुलुक इरान र दक्षिण कोरिया पनि कोरोनाभाइरसको चपेटामा परेका छन् । इरानमा ७ सय २४ जनाको मृत्यु भएको छ त्यहाँ १३ हजार भन्दा बढीमा संक्रमण देखिएको छ । दक्षिण कोरियामा ७५ जनाको मृत्यु भएको छ । संक्रमित हुनेको संख्या ८ हजार १ सय ६२ छ । कोरोना भाइरसको संक्रमण १ सय ५७ मुलुकमा फैलिएको छ ।
कोरोना भाइरस प्रकोप (सोमबार बिहानसम्मको पछिल्लो अपडेट) :
