हुलाकी न्यूज, राजविराज । करिब ६ दशकपछि सप्तरीको राजविराज विमानस्थलबाट उडान पुनः सुरु भएको छ ।
आजदेखि श्री एयरलायन्सले काठमाडौं–राजविराज उडान नियमितरुपमा सञ्चालनमा ल्याएको हो ।
शनिबार र मंगलबारबाहेक सातामा पाँच दिन नियमित एउटा उडान गर्ने एयरलाइन्सले जनाएको छ ।
श्री एयरलाइन्सले जनाएअनुसार उडानको पहिलो दिन काठमाडौंबाट ४६ जना यात्रु राजविराज आएका छन् भने राजविराजबाट २२ जना यात्रु काठमाडौं गएका छन् ।
राजविराजबाट जहाज उडान शुरु भएपछि सप्तरी, सिरहा, उदयपुर, सुनसरीको पश्चिमी क्षेत्रका जनतालाई काठमाडौं जान र आउन सहज भएको बताइएको छ ।
