अमर पासवान, सिरहा । सिरहाको जिल्ला मालपोत कार्यालयमा विस्फोट हुँदा तीन जना घाइते भएका छन् । घाइते मध्ये एक जनाको अवस्था गम्भीर रहेकोले थप उपचारका लागि बाहिर पठाइदैछ ।
शुक्रबार दिउँसो साढे एक बजे भएको विस्फोटमा सिरहा नगरपालिका १२ सारसरका राजकुमार पासवान, रोशन कुमार पासवान घाइते भएका छन् । मालपोत नजिकै लेखापढी व्यवसायी गर्दै आएका पवन पासवान गम्भीर घाइते भएका छन् ।
तीन जना मध्ये सिरहा एक नम्बर वडाका पवनको अवस्था चिन्ताजनक रहेकोले थप उपचारका लागि बाहिर पठाउने तयारी भइरहेको परिवारजनले जनाएको छ ।
सिरहा प्रहरीले विस्फोट भएको पुष्टि गरेपनि घटनाको विस्तृत जानकारी गराउन चाहेनन् । विस्फोटका बारे अनुसन्धान भइरहेको प्रहरीले जनाएको छ । प्रहरीले कुकर वंम विस्फोट भएको जनाएको छ ।
