हुलाकी न्यूज, जनकपुरधाम । स्वतन्त्र मधेश गठबन्धनका संयोजक डा.सीके राउत जनकपुरधामबाट प्रक्राउ परेका छन् । निर्वाचन विरोधी गतिविधिमा सामेल भएको भन्दै धनुषा प्रहरीले उनलाई पक्राउ गरेको हो ।
जनकपुरधामको माछा बजारस्थित राउतको डेराबाट प्रहरीको टोलीले पक्राउ गरी जिल्ला प्रहरी कार्यालयमा राखेको छ । डा.राउत बस्ने घरको ताल्चा फुटाएर पक्राउ गरिएको हो ।
धनुषाका डीएसपी प्रविण धितालले हुलाकी न्यूजसँग भने,‘निर्वाचन विरोधी गतिविधिमा लागेकोले राउतलाई पक्राउ गरिएको हो । हिजो राती पनि उनका कार्यकर्ताहरुलाई पक्राउ गरिएको थियो ।’
राउतसँगै उनको ल्यापटप र अन्य प्राविधिक सामानहरु प्रहरीले नियन्त्रणमा लिएको छ ।
सर्वोच्च अदालतले राइट टु रिजेक्टको व्यवस्था गर्न आदेश दिए पनि निर्वाचन आयोगले उक्त व्यवस्था गरेको छैन । जसकारण डा.राउतले कोठा बाहिर मतदान गरेर मत बदर अभियान चलाएका छन् ।
