मधेशी विद्यार्थीका लागि एनआरएमएको छात्रबृति (फर्मसहित)

हुलाकी न्यूज, काठमाडौं । विश्वभरी छरिएर रहेका मधेशीहरुको छाता संगठन गैर आवासीय मधेशी संघ (एनआरएमए)ले मधेशी विद्यार्थीहरुका लागि छात्रबृतिको घोषणा गरेको छ ।

एनआरएमएले मधेशी विद्यार्थीहरुका लागि डाटा साइन्समा तालिम गर्न एक वर्षे छात्रबृति दिने भएको छ ।
वि.स.२०१६ सालतिर किसान आन्दोलनका क्रममा नेपाल सरकारद्धारा मारिएकी गुमराहा थारुको सम्मानमा ‘गुमराहा थारु डाटा साइन्स तालिम छात्रबृति’को घोषणा गरिएको एनआरएमएले जनाएको छ ।

विज्ञान प्रविधि, गणित र इन्जिनियरिङ्गमा स्नातक गरेका मधेशी विद्यार्थीहरुका लागि यो छात्रबृति रहेको छ । छात्रबृति अन्तरगत पहिलो वर्ष ६० जनाले तालिम गर्न पाउने छन् । प्रत्येक महिना ५ जना नयाँ विद्यार्थीका लागि डाटा क्याम्प नामक अनलाइन पोर्टलबाट विभिन्न कोर्षहरु गर्ने व्यवस्था एनआरएमएले गर्नेछ ।

एनआरएमएका अन्तर्राष्ट्रिय अध्यक्ष बशन्त कुशवाहाले हुलाकी न्यूजसँग कुराकानी गर्दै भने,‘यस किसिमको तालिमले मधेशी विद्यार्थीहरुलाई सबल र सक्षम बनाउनेछ । मधेशभन्दा बाहिर रहेका मधेशीहरुले मधेशको भविष्य निर्माणमा यसै मार्फत सहयोग गर्नेछ । एनआरएमएले आगामी दिनमा थप यस्ता छात्रबृतिहरु सञ्चालन गर्नेछ ।’

अध्यक्ष कुशवाहाले विश्वभरी रहेका मधेशीहरुलाई एनआरएमएमा सहभागी भइ मधेशमा यस्ता किसिमको कार्यक्रममा सहयोग गर्न आग्रह गरे । उनले विद्यार्थीहरुलाई छात्रबृतिबाट उचित लाभ उठाउन आग्रहसमेत गरेका छन् ।
विस्तृतका लागि