हुलाकी न्यूज, काठमाडौं । मधेशवादी दलका सांसद र थरुहट तराई पार्टीका सांसदहरुले संसद बैठक बहिष्कार गरेका छन् । सोमबार संसद बैठक सुरु हुनेबित्तिकै मधेशी र थारु सांसदहरुले बहिष्कार गरेका थिए ।
उनीहरुले आफूहरुको माग सम्बोधन नभएसम्म संसद बहिष्कार गरिरहने कुरा सभामुखलाई बताउँदै बाहिरिएका थिए ।
उनीहरुले संविधान संशोधन गर्नुपर्ने, आन्दोलनका बेला पक्राउ परेका नेता कार्यकर्ताहरुलाई रिहा गर्नुपर्ने र कैलालीमा बन्दीको जीवन बिताइरहेका थारुहरुलाई रिहा गर्नुपर्ने माग गरेका थिए ।
