अर्कना खातुन, उदयपुर, ५ पुष । यहि मंसिर २४ गते शुक्रबार राजधानीमा शान्ता लक्ष्मी श्रेष्ठ महिला मानवअधिकार सम्मान पुरस्कार २०७३ बाट मानवअधिकारकर्मी नजबुल खान सम्मानीत भएकी छिन् । त्यसै गरि आईतबार उदयपुरमा एक समारोह बीच सम्मानीत मानवअधिकारकर्मी नजबुल खानलाई ६८ औं अन्त्तराष्ट्रिय मानवअधिकार दिवस र ८ औं मानवअधिकार राष्ट्रिय महाभेलाबाट यस बर्षको मानवअधिकार वर्ष सम्मान पुरस्कार २०७३ बाट उनको गृह जिल्ला उदयपुरमा पनि सम्मानीत गरिएको हो ।
उदयपुरकी नजबुलले मानवअधिकारको क्षेत्रमा उधारणिय कार्य तथा उल्लेखनिय योगदान गरे वापत पुरस्कृत भएर जिल्लाको नाम उच्च पारेको भन्दै उदयपुरका अधिकारकर्मीहरुले सम्मान गरेका हुन् । उनी एक कर्मट, शाहसी, वीरता तथा निडर मुस्लिम महिला अधिकारकर्मी हुन् ।
उनलाई प्रमूख जिल्ला अधिकारी कृष्णचन्द्र घिमिरे, राष्ट्रिय मानवअधिकार प्रतिष्ठान, प्रहरी नायव उपरिक्षक ओमबहादुर राना, मधेशी समाज उदयपुर, लोकतान्त्रिक गैसस महासंघ, टोल विकास संस्था समन्वय समिति, सूचनाको हकका लागी नागरिक संजाल र काहुराष्ट्र का प्रमुख तथा प्रतिनिधि लगायत उपस्थित अधिकारकर्मी, पत्रकारहरुले अबीर र खादा लगाई सम्मान गरेका थिए ।
सबैले उनलाई शुभकामना दिँदै अझ बढी क्रियाशिल भई सामाजिक रुपान्तरणमा निरन्तर लागी रहन भने । उनले दिएकी योगदानहरु कहिल्यै खेर नगई गाँउका महिलाहरुलाई अझै शसक्त बनाउन प्रोतसाहन गरियो ।
सामाजिक रुपले पछाडि पारिएका मुस्लिम समुदायभित्र रहि उनले टेम्पो ड्राईभर देखी स्थानिय समाजिक संस्थाको अध्यक्ष भई महिला अधिकारको पक्षमा अहोरात्र खटिरहेकी हुन् । खानले सत्यको बाटोमा लागि सबैले बराबरी अधिकार पाउनुपर्ने आवाज उठाइ काम गर्दा उनलाई सबैले विद्रोही समेत नाम दिए । त्यसैले उनलाई विद्रोही छोरीको रुपमा समेत चिनाएको छ । खानले यो सम्मानले आफुलाई अझ बढी हौसला र आँट प्रदान गरेको र प्रेरणा समेत मिलेको बताउनुभयो ।
सोही कार्यक्रममा उदयपुरका युवा प्रतिभा चित्रकुमार कार्की पनि सम्मानीत भएकाछन । शाहसी युवा प्रतिभाको रुपमा नेपाल जेसीसद्वारा काठमाडौंमा सम्मानित उल्टो मोटरसाईकल यात्री कार्कीलाई पुरस्कृत समेत गरेको थियो । उनले नेपालको पूर्व पश्चिमदेखि छिमेकी मुलुक भारतसम्म उल्टो मोटरसाईकल यात्रा गरिसकेका छन् ।
