हुलाकी न्यूज, जनकपुरधाम । मधेश प्रिमियर लिग(एमपीएल) क्रिकेट टुर्नामेन्ट दोस्रो सिजनको उद्घाटन खेल जनकपुरधामस्थित जनकपुर चुरोट कारखानाको खेल मैदानमा हुने भएको छ ।
कार्तिक दुई गते मंगलबारबाट सुरु हुने एमपीएलको उद्घाटन खेल दिउँसो ११ बजेबाट सुरु हुने जनाइएको छ ।
मधेशका १६ वटा किक्रेट टीम सहभागी हुने एमपीएलका खेलहरु हेर्न दर्शकलाई कुनै शुल्क लाग्ने छैन ।
खेलजगतमा मधेशलाई अन्तर्राष्ट्रिय स्तरको बनाउने उदेश्यका साथ सुरु गरिएको एमपीएलको फाईनल खेल राजविरजामा हुनेछ ।
यसअघि उद्घाटन खेल जनकपुरधामको कबड हलमा हुने भनिए पनि जचुकालीको खेल मैदान सहज र सहर भित्रै परेकोले जचुकालीमा हुन लागेको आयोजकले जनाएको छ ।
मधेशी इन्जिनियरिङ्ग स्टुडेन्टस् युनियनले आयोजना गरेको एमपीएललाई विश्वभरी छरिएर रहेका मधेशीहरुको छाता संगठन गैरआवासीय मधेशी संघ(एनआरएमए)ले सहयोग गरेको छ । त्यस्तै हुलाकी न्यूज डटकम मिडिया पाटनर रहेको छ । साथै मधेशी अराउन्ड द वल्र्ड एशोसिएशन (एमएडब्ल्युए) ले पनि एमपीएललाई सहयोग गरेको छ ।
