अर्कना खातुन, काठमाण्डौ, १९ असोज । आजको दिनमा सायदै कसैले डा.दिलजानलाई नचिन्ने कोहि होला । हो ! नाम झै उनको मन पनि उतिकै ठूलो छ । समाज सेवाको लागि आफ्नो गाउँको पुरखौली घर पनि बेच्न पछिहटेन्न् उनी । पेसाले डाक्टर भएता पनि मनले समाज सेवा नै गर्न रुचाउँछन् । डा. राष्ट्रियमा मात्र नभइ अन्तराष्ट्रियमा पनि आफ्नो मिजासिलो तथा समाजसेवि भावले उतिकै प्रख्यात छन् ।
दशैंको आगमनसँगै उनले काठमाण्डौको जडिबुटी बागमती पुल पारीका गरिब तथा विपन्न परिवारलाई बुधबार केहि कपडा वितरण गरेका छन् । बिइङ होमो सेपिन्सको नामबाट डा.दिलजान तथा उनका टिमले एक हप्ताको अभियानमा विभिन्न ठाउँ र व्यक्तिहरुबाट गरिबहरुका लागि कपडाहरु जम्मा गरेर बुधबार बाड्न सफल भएका छन् । डा. अनुसार लगभग २५० देखि ३०० जति घर परिवारलाई कपडा वितरण गरियो ।
