हुलाकी न्यूज ,जनकपुरधाम : ललितपुर महानगरपालिका-३ कान्तिपुर हाइटमा अपार्टमेन्ट भाडामा लिई अवैध रूपमा यौन व्यवसाय सञ्चालन गरेको पाइएको छ। यौन व्यवसाय सञ्चालन गरेको आरोपमा ७ जनालाई मंगलबार दिउँसो प्रहरीले पक्राउ गरेको छ ।

पक्राउ पर्नेहरुमा काठमाडौं महानगरपालिका–२८ ढल्कु बस्ने झापा दमक नगरपालिका-७ घर भएका राजेश अग्रवाल, काठमाडौं महानगरपालिका-६ कुमारीगाल बस्ने रुकुम पेउघाट गाउँपालिका-८ घर भएकी ललिता विक, काठमाडौं बूढानीलकण्ठ नारायणस्थान बस्ने बर्दिया ठाकुरबाबा नगरपालिका घर भएका सुनिल बिष्ट छन् ।

यस्तै ललितपुर महानगरपालिका-८ पाटन सुन्धारा बस्ने मकवानपुर हेटौंडा उपमहानगरपालिका-३ सानो पोखरा घर भएकी गीता खड्गी, काठमाडौं महानगरपालिका-१६ बालाजु बस्ने क्रिष्टिना केसी, काठमाडौं काँडाघारी बस्ने सिन्धुपाल्चोक त्रिपुरासुन्दरी गाउँपालिका-३ बाह्रविसे घर भएकी निर्मला न्यौपाने र काभ्रे पनौती नगरपालिका-७ घर भएका प्रतीक कर्माचार्यलाई पनि प्रहरीले पक्राउ गरेको छ।

उक्त अपार्टमेन्टमा अवैध रूपमा यौन व्यवसाय सञ्चालन गर्ने गरेको सूचनाका आधारमा महानगरीय प्रहरी परिसर ललितपुरबाट खटिएको प्रहरीले उनीहरुलाई पक्राउ गरेको हो।

उनीहरू उपर जिल्ला अदालत ललितपुरबाट ७ दिन म्याद थप गरी आवश्यक अनुसन्धान कार्य भइरहेको महानगरीय प्रहरी परिसर ललितपुरले जनाएको छ ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.