हुलाकी न्यूज,जनकपुरधाम : वातावरणका कुरा संस्थाले गर्ने, सफाइका काम साना ओहदाका व्यक्तिले गर्ने अनि नागरिकले गरेको फोहर सरकारी निकायले सफा गर्नुपर्ने । नदी सफाइ मात्र होईन्, समाज र राष्ट्रप्रतिको दायित्वबोधले देशका ९० भन्दा बढी स्थानमा सफाइका लहर चलेका छन् ।  समयले धेरै कुरालाई परिवर्तित गर्दै लगेको अवस्थामा म फोहर टिप्छु र यो समाजका विभिन्न क्षेत्र सफा गर्छु भन्दा गर्वका साथ शानले भन्न सक्ने वातावरण बन्यो ।

टोल, समुदाय, सडक, नदी किनारका सफाईमा त अभ्यस्त थियौँ र छौँ पनि तर राजमार्ग सफाई गनुपर्छ भन्दा तपाईलाई अपत्यारिलो लाग्न सक्छ । सिराहमा जन्मेर औपचारिक शिक्षा रसायनशास्त्रमा स्नातकोत्तर तह अध्ययन गर्नु भएका धिरेन्द्र कुमार शाह राजमार्गसहित विभिन्न सफाईका काम गर्न सकिन्छ भनेर निरन्तर सफाई कर्ममा हुनुहुन्छ ।

समयले त मानिसलाई धेरै भूमिका र जिम्मेवारीमा चित्रण गरेकै हुन्छ ।ऊहाले भनुभयो “‘म सिराहा जिल्लाको प्रतिनिधित्व गर्ने पात्र हुँ । कृषक आमा बुबाको छोराओरीको वाल्यकाल औसतमै बित्छ जुन हामी सबैलाई थाहै छ । औपचारिक शिक्षाका सवालमा ललित नारायण मिथिला विश्वविद्यालयमा विज्ञान संकाय अन्र्तगत रसायनशास्त्रमा स्नातकोत्तर गरेको छु । सरसफाईका सन्र्दभमा तत्कालिन समयको प्रमुख जिल्ला अधिकारी बिजानारायण मानन्धर  र नेपाल प्रहरीका एसपी श्याम ज्ञवालीले सफाइको उद्देश्य राखेर भेला आयोजना गर्नुभयो र ततपश्चात हामी केहि साथीहरु यसमा संलग्न भयौँ ।सफाइमा लागेको कुरा त सबैलाई जानकारीनै छ ।

हामीले के गर्यौ भन्दापनि अहिलेसम्म के भयो भनेर हेरिदिन आग्रह गर्दछु । करिब तीन वर्षको समय व्यतित गर्दा हामी सिराहा सफाइको २१३ औँ हप्तामा आईपुगेका छौँ । हामीले सिराहालाई खुला दिशामुक्त क्षेत्र घोषणा गरेका  छौँ । अहिले चितवन क्यान्सर अस्पताल सरसफाई अभियान, लालबन्दी क्षेत्रको राजमार्ग सफाई, जनकपुर रेल्वे ट्रयाक, वर्दिवास सफाई संचालन गरिरहेका छौँ । हामी खुला सिमानामा बस्ने भएकाले वारी मात्र सफा भएर हुदैन भनेर छिमेकी देशको जयनगर क्षेत्रमा पनि सफाई अभियान चलाईरहेका छौँ ।हो तर संस्कार अब शिक्षा दिएर, पाठ पढाएर, नियम बनाएर भन्दापनि जसले फोहर गर्छ उसलाईनै सफा गर्न लगाउने हो भने त्यौ स्थायी ज्ञान बन्न सक्छ ।

राजमार्ग सफाईको सोचपनि पारिवारिक यात्राका क्रममा सडकको फोहर टिप्न बच्चाहरुलाई गरेको आग्रहले सम्भव भएको हो । अहिले करिब ९  किलो मिटर सडक सफा भएको छ भने धेरै यात्रु, स्थानीयवासी, विद्यार्थी  र नागरिक समाजलाई यसबारे सचेतना गराउने काम भएको छ । संस्कार विस्तारै निर्माण हुदै गईरहेको छ । विद्यार्थी तथा क्रियाशिल संघ संस्थाको संलग्नताले पनि अव सफाई गर्नुपर्छ भन्ने सोच आउनुल सफलता मिल्छ भन्नेमा विश्वस्त छु । दुवै अवधारणालाई हामीले निरन्तरता दिएका छौँ । हामी समुदाय, ट्राफिक प्रहरी तथा सरोकारवालाहरुसगँ सहकार्य गरेर काम गरिरहेका छौ । फालिएका फोहर टिप्ने र जनचेतना फैलाउने काम निरन्तर भईरहेको छ । अहिले धेरै सार्वजनिक यातायातका जिम्मेवार व्यक्तिलाई खुला शौच नगर्न, जथाभावी फोहर नफाल्न समेत सम्झाईरहेका छौँ ।मानिसको दैनिकिसगैँ फोहर उत्पादन भईरहेका हुन्छन् ।

हिजोका दिनमा हामीले कहाँ कमरी फाल्यौ त्यतातिर नजाऔँ तर अवका दिनमा फोहरको सहि व्यवस्थापनमा सबै मिलि काम गरौँ । शुरुका समयमा धेरैलाई अपत्यारिलो लाग्न सक्छ  तर समय कुर्नुस त्यो सफा र सुन्दर नेपाल छिट्टै बन्छ । तपाई वाग्मती नदीको उदाहरण हेर्नुस मात्र ६ वर्षको समयमा कस्तो स्वरुप कस्तो बन्यो आखिर सम्भव त रहेछ  । संसारकै नियम के हो भने सकारात्मक काम गर्न समय, परिश्रम र धैर्यता चाहिन्छ ।सफाइ अभियानलाई सस्तो कार्यक्रम भनेर टिप्पणी गर्नेको जमात थियो तर अहिले सफाई भएसगैँ टिप्पणी गर्न छाडेका छन् । अव सफाइ गर्ने पनि हामी मध्येकै हौँ अनि फोहर गर्ने पनि उस्तै छौँ ।

फोहर किन भयो भन्दापनि कसले गर्यो भन्नेमा ध्यान दिनु आवश्यक छ । अहिले सरकारका विभिन्न निकायहरु सफाइ अभियानमा ईच्छुक देखिनुलेपनि सुधारको संकेत गरेको छ । सफाइ निरन्तर प्रक्रिया भएकाले यसमा सबैले समय मिलाएर सहभागी भए सफा नेपाल छिट्टै बन्छ ।समाजका सबै वर्ग र विशेषगरि युवापुस्ताको सक्रियता अनवश्यक छ । समाजमा फोहर उठाउने काम साना मानिसको भन्दापनि साना सोच भएका मानिसले गरेका हुन् । जुन जुन स्थानमा सफाइ अभियान चलेको छ त्यहाँ स्थानीयवासीको पनि सहभागिता भएमा उपलब्धी निश्चित छ । अहिले सामाजिक संजाल मार्फत पनि प्रेरणा आदान प्रदान गर्न सकेका छौँ ।  हामी सबैले के बुझनु छ भने फोहर व्यवस्थापनको काम साना ,अनपढ र पिछडिएका नागरिकले गर्ने भन्ने होईन् यस्तो प्राविधिक पक्षमा पढेका समाज बुझेका मानिस आएमा सफलता छिटो मिल्छ भन्नेमा विश्वास लिएको छु ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.