हुलाकी न्यूज, जनकपुरधाम :नेपाली राष्ट्रिय क्रिकेट टिमका लेगस्पिनर सन्दीप लामिछानेले इंग्ल्यान्डको ’भाइटालिटी टी–२० ब्लास्ट’ नखेल्ने भएका छन्। बेलायतको भिसा समयमै नपाउदा सन्दीपले पहिलो पटक टी–२० ब्लास्ट खेल्ने अवसर गुमाएका हुन्।

सन्दीपका व्यवस्थापक रमन सिवाकोटीका अनुसार टी–२० ब्लास्ट गुमाए पनि इंग्ल्यान्डकै ’द हन्ड्रेड’ क्रिकेट खेल्नका लागि सन्दीप जानेछन्।

’भिसा समयमै नआउदा सन्दीपले टी–२० ब्लास्ट नखेल्ने पक्का भएको छ । अब द हन्ड्रेडका लागि जाने तयारी छ। कहाँबाट र कसरी जाने विषयमा एक–दुई दिनमा टुंगो लाग्छ,’ उनले भने।

सन्दीप टी–२० ब्लास्टमा वर्सेस्टसायर यापिडमा आबद्ध भएका थिए। टी–२० ब्लास्ट जुन ९ बाट सुरु हुँदैछ।

सन्दीपले डेढ महिनाअघि टी–२० ब्लास्ट र द हन्ड्रेड खेल्नका लागि बेलायतको भिसाका लागि निवेदन दिएका थिए। तर भिसा शुक्रबार मात्र पाएका थिए।

शुक्रबार मात्र भिसा पाउँदा टी–२० ब्लास्टमा जान ढिलाइ भएको हो। नेपालबाट इंग्ल्यान्ड जानका लागि तेस्रो मुलुकमा १४ दिन बिताएपछि मात्र पाइन्छ। जसका कारण सन्दीप अझै तीन साता इंग्ल्यान्ड पुग्न लाग्ने भएपछि टी–२० ब्लास्टका सुरुवाती खेल गुमाउने पक्का भएको थियो।

सुरुवाती खेल गुमाउने भएपछि अब सन्दीपको स्थानमा वर्सेस्टसायर यापिडले अर्कै खेलाडी राख्नेछ। टी–२० ब्लास्टको ब्रेकमा हुने ’द हन्ड्रेड’ क्रिकेट प्रतियोगितामा सन्दीप ओभल इन्भिन्सिबलमा आबद्ध छन ।

‘द हन्ड्रेड’ जुलाई २२ देखि देखि अगस्ट २१ सम्म हुने तय छ। यो बीचमा राष्ट्रिय टिमको खेल भएमा सन्दीपले हन्ड्रेडका खेल पनि गुमाउन सक्नेछन्।

यसअघि सन्दीपले भिसाका कारण आफू समस्यामा परेको सन्दीपले सामाजिक सञ्जालमा लेखेका थिए।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.