दिल्लीमा बुधबार आयोजित पत्रकार सम्मेलनमा भारतको स्वास्थ्य मन्त्रालयका मुख्य चिकित्सा सल्लाहकार के विजय राघवनले तेस्रो लहर चाँडै सुरु हुन लागेको बताएका हुन् ।
‘भाइरसको तेस्रो लहर सुरु हुने कुरा निश्चित छ । चाँडै सुरु हुने हाम्रो अनुमान छ । यसबाट झनै सतर्क हुनुपर्ने अवस्था छ’ राघवनले प्रेसमिटमा भने, ‘ठ्याक्कै यही मिति भने निश्चित छैन ।’
भारतको स्वास्थ्य संरचनालाई नै प्रभावित तुल्याउने गरी दोस्रो लहर आउला भनेर आफूहरुले कल्पना नै नगरेको समेत उनले बताए । ‘खोप नै भारतमा भेटिएका कोरोना प्रजातिका लागि प्रभावकारी हुनेछन्’ राघवनले भने ।
उनले मास्क लगाउनेसहितका कोभिड मापदण्ड पालना गर्न समेत नागरिकलाई आग्रह गरे ।
