हुलाकी न्यूज,जलेश्वर : महोत्तरीको जलेश्वर नगरपालिका वडा नम्बर ४ सुगा गाउँमा बिहिबार दिउँसो आगलागी हुँदा तीन घर जलेरनष्ट भएको हो।
सो आगलगीमा महेन्द्रको घरभित्रको नगद, अन्न, लत्ताकपडा, भाँडाकुडासहित एउटा गाई जलेर मृत्यु भएको छ भने दुईवटा गाईलाई आगोले पोलेको छ । रामप्रगास र बौवालालको घरभित्र रहेका नगद, अन्न, लत्ताकपडा र भाँडाकुडासहित जलेर नष्ट भएको छ ।
आगलागीबाट तीन लाख २० हजार मूल्य बराबरको क्षति भएको प्रहरीले जनाएको छ । आगलागी नेपाल प्रहरी, सशस्त्र प्रहरी र जलेश्वर नगरपालिकाको बारुणयन्त्रको सहयोगमा नियन्त्रणमा लिइएको थिए ।
जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टका अनुसार घुर ताप्ने क्रममा हावा चलेर आगोको झिल्को उडेर घरमाथि पर्दा स्थानीय महेन्द्र ठाकुर, रामप्रगास ठाकुर र बौवालाल ठाकुरको फुसको घर जलेर लाखौँको क्षति भएको छ ।
